ସ୍ୱପ୍ନେ ଦେଖିଲି ଆଜ ରଜନୀ

Want create site? Find Free WordPress Themes and plugins.

ସ୍ୱପ୍ନେ ଦେଖିଲି ଆଜ ରଜନୀ
ନନ୍ଦନନ୍ଦନ ମୋତେ କୋଳେ ଘେନି
କେତେ ଭାବ କଲେ ମୁରଲୀପାଣି
ଗୋ ସଜନି ।
କରୀନ୍ଦ୍ର ଦନ୍ତମୟ ପଲଙ୍କରେ
ବିଜେ କରି ହରି ଧରିଣ କରେ ।
ନାନା ଅଳଙ୍କାର ଖଞ୍ଜି ଅଙ୍ଗରେ
ସାଜିଲେ ବେଶ ଅତି ଆନନ୍ଦରେ ।
ସାଜି ବେଣୀରେ ମୁକୁତା ଅନେକ
ନେଇ ଖଞ୍ଜିଲେ ନାସାରେ ତିଳେକ ।
ମୁକୁର ଦେଖାଇ ଯଦୁନାୟକ
ଧଇଲେ ମୋ ଅର୍ଦ୍ଧଇନ୍ଦୁ ଚିବୁକ ।
କୁଚବୀଣା ତୁମ୍ବି ମାନସ ଦଣ୍ଡି
ରୋମ ଆରାଜି ଗୁଣା ତହିଁ ଖଞ୍ଜି ।
ତୀକ୍ଷ୍ଣ କରଜେ ମନ୍ତ୍ରମାନ ବୁଝି
ନିରତେ ଶୃଙ୍ଗାର ରସ ଉପୁଜି ।
କେତେ ଗୁପତରେ ସେ କାମଜାର
ବିଚାରିଲେ ଥରେ ନୋହେ ଅନ୍ତର ।
ନୀବିବନ୍ଧ ଛନ୍ଦ ନୋହେ ବାହାର
ଜୂରକଲେ କେଳି ରସଭଣ୍ଡାର ।
ସରିଲା ସୁରତି ହାରିଲା କାମ
ମୋ ଅଙ୍ଗେ ଆଉଜି ରହିଲେ ଶ୍ୟାମ ।
ନେତ୍ରପ୍ରାନ୍ତକାଳେ ଯେସନେ ଘୃମ
ମଘବା ସମ୍ପତ୍ତି ନୋହିବ ସମ ।
ୟେଥୁ ଉତ୍ତାରୁ ପାଇଲି ଚେତନ
ଉଠି ଲୋଡ଼ନ୍ତେ କୋଳେ ନାହିଁ ଶ୍ୟାମ ।
ତେତେବେଳେ ଯାହା ହେଲା ମୋ ମନ
ଏ ରସେ ଭଣେ ସାଲବେଗ ହୀନ ।


ଓଡ଼ିଶା ରାଜ୍ୟ ସଂଗ୍ରହାଳୟ ପୋଥି O. L. 1801ରୁ ସଂଗୃହୀତ

Did you find apk for android? You can find new Free Android Games and apps.

ମତାମତ ଦିଅନ୍ତୁ