ସୁନା ପୁଅ ନାଚଇରେ

Want create site? Find Free WordPress Themes and plugins.

ସୁନା ପୁଅ ନାଚଇରେ
ଖାଇବ ଲବଣୀ ସର ।
ନାହିଁ ନାହିଁ ବୋଲି ଶ୍ରୀମୁଖ ହଲାଇ
କହନ୍ତି କରୁଣାକର । ୧ ।

ସୁନା ତାଟିଆରେ ଗୋଟିକା ଅଧାମ
ସାଚିନି ନବାତ କ୍ଷୀର ।
ଖାଅ ବୋଲି ମାୟେ ସରପୁଳି ନେଇ
ଦିଅନ୍ତି ରଙ୍ଗା ଅଧର । ୨ ।

ଏମନ୍ତ ସମୟେ ସର୍ବ ଗୋପୀ ଯାଇ
ମିଳିଲେ ନନ୍ଦ ମନ୍ଦିର ।
ତାହାଙ୍କୁ ଅନାଇଁ ଯଶୋଦେ ବୋଲନ୍ତି
କୃଷ୍ଣ ମୋ ବଡ଼ ସୁନ୍ଦର । ୩ ।

ଗୋପୀଏ ବୋଲନ୍ତି ନାଟୁଆ ବାଇରେ
ଚରଣ ଦେଖାଅ ତୋର ।
ଖାଅ ସରପୁଳି ବୁଲାଇ ଆଣିବ
ସର୍ବଗୋପୀଙ୍କର ଘର । ୪ ।

ଯଶୋଦା ବୋଲନ୍ତି ଶୁଣ ଲୋ ଯୁବତୀ
କାହ୍ନୁ ନାଗରଙ୍କ ବର ।
କହେ ସାଲବେଗ କୃଷ୍ଣରେ ଶରଣ
ପାଦକୁ ପାଦ ଅନ୍ତର । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ