ସେ ତ ଚିକ୍କଣ କାଳିଆ

Want create site? Find Free WordPress Themes and plugins.

ସେ ତ ଚିକ୍କଣ କାଳିଆ କାହା ପୁଅ
ଗୋ କହ କହ
ସେ ତ କଦମ୍ବମୂଳିଆ କାହା ପୁଅ
ଗୋ କହ କହ
ସେ ତ କାଇଁଚମାଳିଆ କାହା ପୁଅ
ଗୋ କହ କହ । ୧ ।

ଦୂତୀ ଆଗେ ଚନ୍ଦ୍ରାବଳୀ କହି
କାଲି ଯମୁନା (ଗୋ) ଗଲି ସହି
କଦମ୍ବମୂଳରେ କି ରୂପ ଦେଖିଲି
ଚାହିଁ ଚମକିପଡ଼ିଲି ମୁହିଁ
ଗୋ କହ କହ । ୨ ।

ଦେଖିଲେ ବୋଲଇ ରହ ରହ
କାଖରୁ କଳସୀ (ଗୋ) ତଳେ ଥୁଅ
ବଙ୍କିମା ନୟନେ ତେରଛ ଚାହିଁଲେ
କାମେ ଜରଜର ମୋର ଦେହ
ଗୋ କହ କହ । ୩ ।

ନନ୍ଦେରି ନନ୍ଦନ ରୂପ ଭଲା
କେଉଁ ନାରୀ ତାକୁ (ଗୋ) ଜାତ କଲା
କାହୁଁ ସେ ଆଣିଛି ମୋହନ ମୁରଲୀ
ଗୋପନାରୀ ଚିତ୍ତ ଚୋରି କଲା
ଗୋ କହ କହ । ୪ ।

ଚନ୍ଦ୍ରାବଳୀ ଆଗେ ଦୂତୀ କହି
ନନ୍ଦନନ୍ଦନ ଗୋ ସେହି ସେହି
କହେ ସାଲବେଗ ଜାତିରେ ଯବନ
ଶ୍ରୀରଙ୍ଗାଚରଣ ନିତେ ଧ୍ୟାୟି
ଗୋ କହ କହ । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ