ସମ୍ପୂର୍ଣ୍ଣ ସୁଧାକର ବଦନା

Want create site? Find Free WordPress Themes and plugins.

ସମ୍ପୂର୍ଣ୍ଣ ସୁଧାକର ବଦନା ବନ୍ଧୁ ।
ସୁନ୍ଦରୀମଣି ସରୁମଧ୍ୟମାରେ
ତୁ ମୋ କରୁଣାସିନ୍ଧୁ । ୧ ।

ସଖି ଶିରୀଷମୃଦୁ ସରୋଜବାସ ।
ଶମ୍ପା ସୋଦର ବରନିରେ ରମା
କଲେ ଯେ ଅଙ୍ଗେ ବାସ । ୨ ।

ସିନ୍ଦୁରାରୁଣ ବିମ୍ବ ବଧୁଲୀ ଜବା ।
ସୁରଙ୍ଗି ଗୋରି ଦନ୍ତବାସକୁରେ
ସମ କି ଗୁଣେ ଅବା । ୩ ।

ସରସ କଳକଣ୍ଠ କଳ ବଚନା ।
ସାରସ ମତ୍ତଗଜ ଗମନାରେ
ସ୍ମରତାପ ମୋଚନା । ୪ ।

ସଂସାର ସାର ସବୁ ସୁଖ ତୁ ମୋର ।
ସତ୍ୟ ନୃସିଂହ ପଟ୍ଟନାୟକର
କାଳେ କାଳେ ତୁ ମୋର । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ