ରମଣୀ ରତନ ମେଘକୁ ଚାହିଁ

Want create site? Find Free WordPress Themes and plugins.

ରମଣୀ ରତନ ମେଘକୁ ଚାହିଁ
କହିବୁରେ ମେଘ କାନ୍ତକୁ ଯାଇ
ଏତେ ଦିନ କିମ୍ପା ବିଳମ୍ବ କଲେ
କାଲି ପରିକି କଣ୍ଟ କରିଥିଲେ
କରି ମୋତେ ପର
କି ବିଚାରୁ ଥିବେ ଦିନୁଁ ଅନ୍ତର । ୧ ।

କଲାଣି ଘୋର ଦୁର୍ଦ୍ଦିନ ଚମକ
ନାଦ କଲେଣି କୋକିଲା ଡାହୁକ
କହିଥିଲେ ବନ୍ଧୁ ନିୟମ କରି
କେବେ ହେଁ ନ ଯିବି ପ୍ରବାସ କରି
କି ବିଚାରି ମନ
କେଉଁ ନାରୀ ସଙ୍ଗେ ବଞ୍ଚିଲେ ଦିନ । ୨ ।

କାମେ ବଶ କଲା କେଉଁ ଚତୁରୀ
କେ ରମଣୀ ରଖିଲା ମନ ହରି
କେହୁ ଦଧି ଫଳ ଭୁଞ୍ଜାନ୍ତେ ବସି
ପିଣ୍ଡରୁ ପରାଣ ଯାଉଛି ଖସି
କେଉଁ ଉପାୟରେ
କାନ୍ତକୁ ଭେଟିବି ନେତ୍ର ପଥରେ । ୩ ।

ସତେ କି କରିବେ ହର ଗଉରୀ
ପ୍ରବାସୁ ମୋ କାନ୍ତ ଆସିବେ ଫେରି
କରିବେ ଅଙ୍କ ପଲଙ୍କେ ଶୟନ
ସତେ କି ମୋ ଦୁଃଖ ହେବ ମୋଚନ
କରି ରସକେଳି
ଭଣେ ଉପଇନ୍ଦ୍ର ଏ ରସେ ଭାଳି । ୪ ।


ଅନ୍ନପୂର୍ଣ୍ଣା ଆଚାର୍ଯ୍ୟ ଓ ମହାପାତ୍ର ମିନତୀ ଭଞ୍ଜ ଏହି ଗୀତଟିକୁ ଗାଇଛନ୍ତି ।

ଶୁଣିବେ

ସଙ୍ଗୀତା ଗୋସାଇଁ ଏହି ଗୀତଟିକୁ ଗାଇଛନ୍ତି ।

ଶୁଣିବେ

Did you find apk for android? You can find new Free Android Games and apps.

ମତାମତ ଦିଅନ୍ତୁ