ପ୍ରାଣସଙ୍ଗିନୀ ମୋ ଗୁଣମଣି

Want create site? Find Free WordPress Themes and plugins.

ପ୍ରାଣସଙ୍ଗିନୀ ମୋ ଗୁଣମଣି
ନ ସରଇ ଗୁଣ ଗୁଣି ରେ । ଘୋଷା ।

ମୋ ହୃଦ ଶୋଭିନୀ ଆନନ୍ଦ ଦାୟିନୀ
ଦୁଃଖ ନିଶି ନିଶାମଣି ରେ ।
ତୋ ବିନା ସଂସାର ଦିଶେ ନାରଖାର
ଜୀବନ ଅସାର ମଣି ରେ । ୧ ।

ମୋ ନୟନାନନ୍ଦ ରମ୍ୟ ଅରବିନ୍ଦ
ଗୃହ ସରସୀ ଶୋଭିନୀ ରେ ।
ରମଣି ନନ୍ଦନ କାନନେ ସୁମନ
ପାରିଜାତ ସମ ଗଣି ରେ । ୨ ।

ଛଣା ସୁଧାପଣା ସମ ମନକିଣା
ମଣଇ ତୋ ମୃଦୁବାଣୀ ରେ ।
ଥିଲେ ତୋ ପାଶରେ ତୁଛେ ସୁରପୁର
ନ ଶୁଣଇ ବୀଣାପାଣି ରେ । ୩ ।

ଦରହାସ ମୁଖ ସୁଧାଂଶୁ ମୟୁଖ
ମନ ରଖିଥାଏ ଟାଣି ରେ ।
ସଂସାରେ ଭ୍ରମିଲେ ନ ଭୁଲାଇ ତିଳେ
ଧ୍ରୁବତାରା ଶିରୋମଣି ରେ । ୪ ।

ପୋଡ଼ି ଫାଟି ମୋର ହୃଦ ନାରଖାର
ଲାଜେ ଦେଇଛି ଢାଙ୍କୁଣୀ ରେ ।
ନ ଭୁଲଇ ମନ ଯେତେ କଲେ ଆନ
ମୋ କର ପ୍ରୀତି ସାରେଣି ରେ । ୫ ।

ମୋ ସୁନ୍ଦର ଗଳା ଗଉରବ ମାଳା
ନ ଛିଣ୍ଡିବୁ ବୋଲି ଜାଣି ରେ ।
ସୁଦାମେ ଗୁନ୍ଥିଲି ତେବେ ହରାଇଲି
ଖୋଜି ବୁଲଇ ଧରଣୀ ରେ । ୬ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ