ନ ଜାଣି ମୁଁ କଲି ପୀରତି

Want create site? Find Free WordPress Themes and plugins.

ନ ଜାଣି ମୁଁ କଲି ପୀରତି
କେ ଜାଣି ଥିଲା ଗୋ ଏହା ।
ଭଜିଲେ ତ ହେଲା ବିପତ୍ତି
ତେଜିଲେ ତ ନାହିଁ ମୋ ସାହା । ଘୋଷା ।

ସରଜି ନିଷେଧ ଗୀର
ତରଜିଲେ ସଖୀ ମୋର
ବରଜି ବୋଲି ତାଙ୍କର
ଅରଜିଲି ଏହା ଆହା । ୧ ।

ରସିଲା ଦିନୁ ମୋ ଚିତ୍ତ
ଭାଙ୍ଗିଲି ସତୀବରତ
ଖସିଲା ଧୈର୍ଯ୍ୟ ଜୀବିତ
ନାଶିଲା ମୋତେ ଉତ୍ସାହା । ୨ ।

କରିବାରୁ ପର ପ୍ରୀତି
ମରିବାର ଭଲ ଗତି
ସରିବା ନୋହେ ବିପତ୍ତି
ତରିବାକୁ ନାହିଁ ରାହା । ୩ ।

ନରମେ ଦିବସ ନିଶି’
ସରମେ ମୁଁ ଥିଲି ରସି
ଭରମେ ପଡ଼ିଲି ଆସି
କରମେ ମୋ ଥିଲା ଯାହା । ୪ ।

ସ୍ନେହରେ ଏ ପ୍ରୀତି ଭାବ
ଦେହରେ ଆଉ ନୋହିବ
ବହରେ ମୋ ଦୁଃଖ ଜବ
କହରେ ସଜନୀ ତାହା । ୫ ।

ଭୁଲି ତ ଗଲା ମୋ ମତି
ମଲି ତ ଏବେ ମୁଁ ନିତି
ହେଲି ତ ଦୁଃଖ ପୀରତି
କଲି ତ ମୁଁ କଥା ରୁହା । ୬ ।

ଏ ସମୟେ ସଖୀ କହି
ତୋଷ ମନେ ବହ ସହି
ଲେଶ ମଧୁର ତା ନାହିଁ
ବିଷମ ପୀରତି ସ୍ପୃହା । ୭ ।

ଦୀନବନ୍ଧୁ ରାଜ ଭଣି
ମୀନବରନେତ୍ରା ଶୁଣି
ଦିନ ବଞ୍ଚିଲେ ତା ଗୁଣି
ସୁନବନୀରଦଦେହା । ୮ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ