କି ଶୁଣିଲି ଆଜ ନୂଆ କରି

Want create site? Find Free WordPress Themes and plugins.

କି ଶୁଣିଲି ଆଜ ନୂଆ କରି
ସତଟିକି କହ ସହଚରୀ
ତୁ ପୁଣି କିଶୋରମଣିଙ୍କି ବିଲୋକି
ମଥା ପୋତି ଗଲୁ ଅପସରି । ଘୋଷା ।

ସ୍ମରଣା କରୁଛି ଅଦୃଷ୍ଟକୁ
ଯାହା ମୂରତିକି ଦେଖିବାକୁ
ଯୋଡ଼ିଏ ନୟନ ଦେଲୁ ବୋଲି କେତେ
ନିନ୍ଦା କରୁଥାଉ ବିଧାତାକୁ । ୧ ।

କ୍ଷଣେ ନ ମୂରୁଛି ଚିତ୍ରପଟ
ବନକୁ ଯିବା ଆସିବା ବାଟ
ଜଗି ବସିଥାଉ ଶିଖଣ୍ଡ ମୁକୁଟ
ଭେଟକୁ କେ କଲା ଏତେ କୂଟ । ୨ ।

ନିରେଖି ନଭରେ ନୀରଦକୁ
ପୁଲକାଇ ଦେଇ ଶ୍ରୀଅଙ୍ଗକୁ
ଯା ତନୁକାନ୍ତିକି ଲକ୍ଷ୍ୟ ବୋଲି ପକ୍ଷ
ଲୋଡ଼ୁଥାଉ ପରିରମ୍ଭଣକୁ । ୩ ।

ଗୋବର୍ଦ୍ଧନ ଶିଖରିରେ ରହି
ଗୋଷ୍ଠେନ୍ଦ୍ର ସୁତ ପଥକୁ ଚାହିଁ
ଦିନ ଦ୍ୱିଯାମରେ ଦ୍ୟୁମଣି ଶିଳାରେ
ଉଭା ହେବା ଲୋଭ ଗଲା ନାହିଁ । ୪ ।

ଭାଷନ୍ତି ଶ୍ରୀମତୀ ହସି ଧୀରେ
ଗୁରୁଜନ ଥିଲେ ପୁରତରେ
ଗୋପାଳକୃଷ୍ଣ କହଇ ଠାରି କୃଷ୍ଣ
ଜଗିଛନ୍ତି ପୁଷ୍ପବାଟିକାରେ । ୫ ।


ବାଣୀକଣ୍ଠ ନିମାଇଁ ଚରଣ ହରିଚନ୍ଦନ ଏହି ଗୀତଟିକୁ ଗାଇଛନ୍ତି ।

ଶୁଣିବେ

Did you find apk for android? You can find new Free Android Games and apps.

ମତାମତ ଦିଅନ୍ତୁ