କେଳି ଲାଳସୀ କୁଟିଳକେଶୀ

Want create site? Find Free WordPress Themes and plugins.

କେଳି ଲାଳସୀ କୁଟିଳକେଶୀ
କଳାବୟସୀ କୋମଳ ଭାଷୀ ।
କାଳେ ହେଲା ଆସି
ହୋଇଲି ବିଦେଶୀ
ତୋ ଅଙ୍ଗସଙ୍ଗ ନ ରସିରେ ।
କିଶୋରୀ । ୧ ।

କଲା କୁସୁମ ଶାୟକ ଲାଖ
କୁନ୍ଦରଦନୀ ପାରିଲେ ରଖ ।
କେଉଁଦିନ ଯିବ
ଦଇବ ବିମୁଖ
ଯାଇ ଦେଖିବି ତୋର ଶ୍ରୀମୁଖରେ ।
କିଶୋରୀ । ୨ ।

କି କରିବି ନ ଦିଶଇ ବୁଦ୍ଧି
କି ନ କରଇ ବିଷମ ବିଧି ।
କରି ଯେ ଥିଲି
ବରଷାକୁ ଅବଧି
କେହି ବଞ୍ଚିବୁ ଲାବଣ୍ୟନିଧିରେ ।
କିଶୋରୀ । ୩ ।

କରୁଅଛି ରେ ବସି ବିଚାର
କେଡ଼େ କରୁଣା ହୃଦୟ ତୋର ।
କେମନ୍ତେ ହେଲା
ଏବେ ଏଡ଼େ ନିଷ୍ଠୁର
ଅପରାଧ ଘେନି ମୋର ରେ ।
କିଶୋରୀ । ୪ ।

କହୁଁ କହୁଁ ଯେ ହୋଉଛି ମୋହ
କେତେ ସହିବ ଦୁଃଖ ଏ ଦେହ ।
କହେ ନୃସିଂହ
ପଟ୍ଟନାୟକ
ତୋହ
ସନ୍ଦେଶ ନେଲା ସନ୍ଦେହରେ ।
କିଶୋରୀ । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ