ଦେଲି ସହି କୁଳକୁ ଟେକି ଜଳାଞ୍ଜଳି

Want create site? Find Free WordPress Themes and plugins.

ଦେଲି ସହି କୁଳକୁ ଟେକି ଜଳାଞ୍ଜଳି
କଲି ଗୋବିନ୍ଦ/ମୋହନ/ଶ୍ୟାମ ପ୍ରୀତିକି
ଜୀବନ ସଙ୍ଖାଳି । ପଦ ।

କରିଥିଲି ମୁଁ ଯେତେକ ବାର ବ୍ରତାବଳୀ
ହେଲାନି ତା ଯାକ ପଦତଳେ ନିଉଛାଳି । ୧ ।

କୋଟି ଜନ୍ମାନ୍ତର ପୁଣ୍ୟଫଳ ଗଲା ମିଳି
ମୁଁ ଯୋଗିନୀ ଜାଣ ଆଳୀ ସେ ମୋହର ଥାଳୀ । ୨ ।

ମୋ ହୃଦର ନବ ମୃଗମଦ ପତ୍ରାବଳୀ
ମତ୍ତ ମଧୁକର ସେ ମୁଁ କାନନ ନିଆଳୀ । ୩ ।

ସୁଗୁଣ ସୁନ୍ଦର ପଣ ଯାକ ଭାଳି ଭାଳି
ନାମ ଜପୁଥିବି ଏକା ଧରି ଜପାମାଳି । ୪ ।

ଅଖିଳ ସୌଭାଗ୍ୟବତୀ ମଉଳିର ମାଳି
ତୁନିହୁଅ ବୋଲନ୍ତି ଶ୍ରୀଲଳିତା ଏ ପାଳି । ୫ ।

ଶୁଭୁଛି କାନନୁ ବାହୁଡ଼ା ବଂଶୀ କାକଳୀ
ବୋଲେ ଗୋପାଳକୃଷ୍ଣ ଚାମର ଢାଳି ଢାଳି । ୬ ।


ପଣ୍ଡିତ ମୋହନ ସୁନ୍ଦର ଦେବ ଗୋସ୍ୱାମୀ ଏହି ଗୀତଟିକୁ ଗାଇଛନ୍ତି ।

ଶୁଣିବେ

Did you find apk for android? You can find new Free Android Games and apps.

ମତାମତ ଦିଅନ୍ତୁ