ଭଲା ସାଜିଛି ମଦାଳସା

Want create site? Find Free WordPress Themes and plugins.

ଭଲା ସାଜିଛି ମଦାଳସା
ଖୋଷା ଗେଲେ ଗେଲେ ଲୋ
ମଣ୍ଡିଛି ତଥି ଚମ୍ପା ମାଳତୀ
କେତକୀ ଫୁଲେ ଗୋ । ପଦ ।

ଦେଖି ତା ଶ୍ରୀମୁଖ ଠାଣି
ବଶହେବେ ଶୂଳପାଣି
ଶିଶୁ ସେବିତା କି ଜାଣି
ସିନ୍ଦୂର ବିନ୍ଦୁ ତା ଭାଲେ ଲୋ । ୧ ।

ନୀରଜ କଢ଼ କି ବଢ଼ି
ଦିଶୁଛି ଉରଜ ଯୋଡ଼ି
ତଥିପରେ ପଡ଼ି ହୀରାହାର
କି ମଜାରେ ଝୁଲେ ଲୋ । ୨ ।

ଦିଶେ ଶୋଭା ବେନି ଉରୁ
କି ଓଲଟ ରମ୍ଭାତରୁ
କଟିକି ଦିଶେ ଡମ୍ବରୁ
ଦେଖି ଯତି ଧୃତି ଢଳେ ଲୋ । ୩ ।

ହଂସ ପରାୟେ ଗମନ
ଦିଶଇ ତା ଶୋଭାବନ
ମୋହିନେଲା ଜ୍ଞାନମନ
ବୀର ଏ ଗୀତରେ ଭଣେ । ୪ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ