ଆରେ ମଦାଳସା

Want create site? Find Free WordPress Themes and plugins.

ଆରେ ମଦାଳସା
ଶେଷ ହୋଇ ଯାଉଥିଲା ଚନ୍ଦ୍ରନିଶା ରେ । ଘୋଷା ।

ନବ ନିଧୁବନ କେଳି କାଳେ ।
ନବ ସଙ୍କେତ ମୁଁ କଲାବେଳେ ।
ମାଣିକ୍ୟର ବତୀ ଜାଳି ଚଉକତି
ନାନା ପୁଷ୍ପତଳେ ଖୋଷି ଖୋଷାରେ । ୧ ।

ଅଙ୍କେ ବସାଇଣ ତୋତେ ଧନ ।
ବୋଇଲି ମଣ୍ଡନା ତେଜ ମାନ ।
କଲି ସଙ୍ଗେ ପ୍ରୀତି ଆରେ ରସବତୀ
କ୍ଷୀର ନୀର ପ୍ରୀତି ଯେହ୍ନେ ମିଶାରେ । ୨ ।

ସେ ସମୟେ ମୋ ଜୀବନ ଧନ ।
ଘେନି ସର୍ବାଙ୍ଗେ ପୁଷ୍ପଚନ୍ଦନ ।
କର ଧରି ତୋତେ କୋଳକୁ ଆଣନ୍ତେ
ତୁ ପରା ବସିଲୁ ଆଡ଼ରୁଷାରେ । ୩ ।

କଥା ତୋ ମନୁ ପାଶୋରିଲୁ ।
ରୋଷ ବହି ମୋତେ ନ ଚାହିଁଲୁ ।
ହେବି କିଣା ଦାସ ଥିବି ତୋର ପାଶ
ବୋଲେ ଉପଇନ୍ଦ୍ର କରି ଆଶାରେ । ୪ ।


ଶ୍ୟାମାମଣି ଦେବୀ ଏହି ଗୀତଟିକୁ ଗାଇଛନ୍ତି ।

ଶୁଣିବେ

Did you find apk for android? You can find new Free Android Games and apps.

ମତାମତ ଦିଅନ୍ତୁ