ଆଜ ଏ କି ଗୁମାନରେ

Want create site? Find Free WordPress Themes and plugins.

ଆଜ ଏ କି ଗୁମାନରେ (ଚନ୍ଦ୍ରାନନା)
ଦେଖି ନାହିଁ ସ୍ୱପନରେ । ପଦ ।

ସୁନ୍ଦର ରଦବାସ, ମନ୍ଦାର ଦଳେ ହାସ-
କୁନ୍ଦକୁ ପରକାଶ, କୁନ୍ଦନାଙ୍ଗୀ ମୋ ଧନି!
(ପଡ଼ି) ତୁ ସିନା ମୋର ପ୍ରାଣ, ରମଣୀଗଣ ରାଣ
ରାଣ ଅଛିଟି ମାଣବକ ମୃଗାକ୍ଷୀ ଜାଣ
ଦାରୁଣ ସ୍ମରରାଣ ଶାଣଦିଆ ତୀକ୍ଷଣ
ବାଣଗଣରେ ନିଶ୍ଚେ ନେବଟି ଏ ପରାଣ । ୧ ।

ଚାରୁ ଚମ୍ପକ ଦେହା ରେ, ଚନ୍ଦ୍ରାନନା
କାହୁଁ ଶିଖିଲୁ ଏହାରେ
ଅଶ୍ରୁ ପ୍ରସରିବାର, ମହୀକି ଚିରିବାର
ଆଜନ୍ମ ପରିଚାର, ସଂସାର ସାରିବାର । ୨ ।

ମର୍ମ ଗଲାଟି ଫାଟିରେ, ଚନ୍ଦ୍ରାନନା
ମାର ମାର୍ଗଣ ଧାଟିରେ
ବନ୍ଧୁଆ, ସରିଲିଟି, ତୋ କୀର୍ତ୍ତି ପରିପାଟୀ
ରୋପିବାର ଲତାଟି ମୂଳୁ ନ ପକା କାଟି । ୩ ।

ଦୋଷ ଦେଖି ତୁ ଦଣ୍ଡରେ, ଚନ୍ଦ୍ରାନନା
ମଣ୍ଡନା କରି ଗଣ୍ଡରେ
ବାହୁ ପାଶେ ନିତାନ୍ତେ, ବାନ୍ଧିବା ବସନାନ୍ତେ
ଓଷ୍ଠ ବିଦାରି ଦନ୍ତେ, ଭୁଷ କରଜ-କୁନ୍ତେ । ୪ ।

ଆରମ୍ଭିଲେ ତୁ ରୁଷାରେ, ଚନ୍ଦ୍ରାନନା
ଭରସା କେ ମୋ ରସାରେ
ତେଜିଲେ ତୁ ମୋ କୋଳ, କେତେ ମୋ ଧୃତି ବଳ
ସହେ ବି କରବାଳ, କେଳି-କମଳ ଦଳ । ୫ ।

ଶ୍ୟାମ ବିନୟ ଭାଷାରେ, ଚନ୍ଦ୍ରାନନା
ମନ୍ଦ ମଧୁର ହସାରେ
ଭାଷିଲେ ପ୍ରିୟବାଣୀ, ରସେ ସେ ସୁଲକ୍ଷଣୀ,
ରସିଲେ ମନ ଜାଣି, ଶ୍ରୀ ଛୋଟରାୟ ଭଣି । ୬ ।


ସଙ୍ଗୀତ ସୁଧାକର ବାଳକୃଷ୍ଣ ଦାଶ ଏହି ଗୀତଟିକୁ ଗାଇଛନ୍ତି ।

ଶୁଣିବେ

Did you find apk for android? You can find new Free Android Games and apps.

ମତାମତ ଦିଅନ୍ତୁ