ଆଜ ବ୍ରଜରାଜ ପୁରେ

Want create site? Find Free WordPress Themes and plugins.

ଆଜ ବ୍ରଜରାଜ ପୁରେ
ଲାଜେ ମୁଁ ବୁଡ଼ିଲି ମା । ପଦ ।

ରୋହିଣୀଙ୍କ ସଙ୍ଗତରେ
ଥିଲି ରନ୍ଧନ ମନ୍ଦିରେ
ପଛକୁ ନାଗରବର
ଦୃଷ୍ଟି ପଡ଼ିଲି ମା । ୧ ।

ହୃଦ କରେ ଦମ ଦମ
ବୁଦ୍ଧି ମୋ ହୋଇଲା ବାମ
ସୁଧାସମ ଶିଖରିଣୀ
ଜଳେ ନିଉଡ଼ିଲି ମା । ୨ ।

କପଟିନୀ କୁନ୍ଦବଲ୍ଲୀ
ଜାଣି ପାଶୁ ଗଲା ଚଳି
ସାରୀ ପଢ଼ିବାରୁ ଆଣି
ଓଢ଼ଣି ଓଢ଼ିଲି ମା । ୩ ।

ହେଲା କି ପାକ ସମ୍ଭାର
ବୋଲି ପଚାରନ୍ତେ ମୋର
ଧୃତି ଖସିଗଲା ପ୍ରତି
ଉତ୍ତର ହୁଡ଼ିଲି ମା । ୪ ।

ମୋ ଓଷ୍ଠ କମ୍ପିଲା ଚାହିଁ
ହସିଲା ମୋ ଆଡ଼େ ରହି
ତା ଇଙ୍ଗିତ ହେଜି ଶୀଘ୍ରେ
ଅଧର ପୀଡ଼ିଲି ମା । ୫ ।

ଗୋପାଳକୃଷ୍ଣ କହିଲା
ରହୁ ଜଟିଳା ଅଇଲା
ଆସନ୍ତୁ ସଜନି ତୋତେ
କେତେ ମୁଁ ଲୋଡ଼ିଲି ମା । ୬ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ