ଆଉ କି ଘନ କେଶୀକି

Want create site? Find Free WordPress Themes and plugins.

ଆଉ କି ଘନ କେଶୀକି
ଘନକାଳେ ପାଇବି । ଘୋଷା ।

ଘଡ଼ଘଡ଼ି ରଡ଼ି ଶୁଣି
ଚମକି ରମଣୀମଣି
ଶିବ ଶିବ ବୋଲି ଗୁଣି
କେତେ ଦୁଃଖ ସହିବି । ୧ ।

ହୋଇଲା ଦୁର୍ଦ୍ଦିନ ଦିନ
ବହଇ ଝଞ୍ଜା ପବନ
ଘନ ଘନ ଗରଜନ
କେମନ୍ତେ ମୁଁ ଜୀଇବି । ୨ ।

ଚଞ୍ଚଳା ଯାମୁକି ପରି
ଘନାଳୀ ନଳୀରେ ମାରି
କୁଳିଶ ଚାଳିକି ଭରି
କାମ ବୋଲେ ମାରିବି । ୩ ।

ଭେକ ଶାମୁକଙ୍କ ଧ୍ୱନି
ଶୁଣି ସେ ରମଣୀମଣି
ଆଳି ଅଙ୍କେ ଢଳିବନି
ବିଷ ଖାଇ ମରିବି । ୪ ।

ଜୀବ ଲବ ଥିବ କଣ୍ଠେ
ଭେଟିବି ସତେ ନିକଟେ
ଗୋପୀନାଥ ବୋଲେ ପଟ୍ଟେ
ଚିତ୍ର କରି କହିବି । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ