ଆଉ କାହା କର ଧରିବି

Want create site? Find Free WordPress Themes and plugins.

ଆଉ କାହା କର ଧରିବି । ସଜନି ଗୋ ।
ଛାଡ଼ିଗଲେ ଗୁଣମଣି ଝୁରି ଝୁରି ମରିବି । ଘୋଷା ।

ତୁ ମୋହର ମୁଁ ତୋର
ନ କରିବୁ ଅନ୍ତର ।
ମାରୁଅଛି ପଞ୍ଚଶର
ଦହୁଅଛି ଶରୀର । ୧ ।

ସୁନ୍ଦର ତୋ ଲଲାଟ
ପଡ଼ୁଅଛି ଆଲଟ ।
ଗଜଦନ୍ତ ପଲ୍ୟଙ୍କରେ
ଆଉ ନାହିଁ ତୋ ଭେଟ । ୨ ।

କୋକିଳ ପରି ବାଣୀ
କହୁ ଚତୁରୀମଣି ।
ଭ୍ରୂଲତା ଶୋଭା ତୋହର
ଇନ୍ଦ୍ରଧନୁକୁ ଜିଣି । ୩ ।

କି ସୁନ୍ଦର ଧନକୁ
ଚାହିଁ ତୋ ବଦନକୁ ।
ଯେତେ ଯେତେ ଦୋଷ କଲି
ନ ଘେନିବୁ ମନକୁ । ୪ ।

ରସବତୀ ରସିବ
କାନ୍ତ କୋଳେ ବସିବ ।
ଭଣେ ଉପଇନ୍ଦ୍ର ଭଞ୍ଜ
ଚାରି ଚକ୍ଷୁ ମିଶିବ । ୫ ।

Did you find apk for android? You can find new Free Android Games and apps.

ମତାମତ ଦିଅନ୍ତୁ